అబుదాబీ వార్నర్‌ బ్రదర్స్‌ వరల్డ్‌, జులై 25 నుంచి సందర్శకులను అలరించనుంది. ఈ విషయాన్ని తాజాగా వెల్లడించారు నిర్వాహకులు. డిసి మెట్రోపోలిస్‌, గోథామ్‌ సిటీ, కార్టూన్‌ జంక్షన్‌, బెడ్రాక్‌, డైనమైట్‌ గల్చ్‌, వార్నర్‌ బ్రదర్స్‌ ప్లాజా వంటి ఆకర్షణలు ఇందులో వున్నాయి. 1.65 మిలియన్‌ స్కేర్‌ ఫీట్‌ వైశాల్యంలో ఏర్పాటు చేసిన ఈ పార్క్‌లో ప్రపంచ ప్రఖ్యాత ఐకానిక్‌ క్యారెక్టర్స్‌ని, స్టోరీస్‌నీ సందర్శకుల కోసం పొందుపర్చారు. 29 రైడ్స్‌, లైవ్‌ ఎంటర్‌టైన్‌మెంట్‌ ఈ పార్క్‌లో ప్రధాన ఆకర్షణలు. రీజియన్‌లో ఈ తరహా పార్క్‌ ఇదే తొలిసారి. 1 బిలియన్‌ డాలర్స్‌ ఖర్చుతో పార్క్‌ని ఏర్పాటు చేసినట్లు డెవలపర్‌ మిరాల్‌ సంస్థ ఛైర్మన్‌ అల్‌ ముబారక్‌ చెప్పారు. బ్యాట్‌మెన్‌, సూపర్‌ మేన్‌, వండర్‌ విమెన్‌, బగ్స్‌ బన్నీ, విల్‌ ఇ కోయెటో, స్కూబీ డూ వంటివి తమ జీవితంలోకి వచ్చిన అనుభూతిని సందర్శకులు పొందే వీలుంది ఈ పార్క్‌లో.