నాసా అతి పెద్ద ప్రయోగానికి నడుంబిగించింది. విశ్వంలోని 20 వేల ఏలియన్‌ ప్రపంచాలను పరిశోధించేందుకు శ్రీకారం చుట్టింది. స్పేస్‌ ఎక్స్‌కు చెందిన ఫాల్కన్‌ 9 రాకెట్‌ ద్వారా టీఈఎస్‌ఎస్‌ను బుధవారం ప్రయోగించింది. విశ్వంలో ఏలియన్స్‌ కోసం అన్వేషిస్తున్న కెప్లర్‌ స్పేస్‌ టెలిస్కోప్‌ స్థానాన్ని టీఈఎస్‌ఎస్‌ భర్తీ చేయనుంది. కెప్లర్‌తో పోల్చితే రాత్రి సమయాల్లో 400 రెట్లు ఎక్కువ ప్రదేశాన్ని టీఈఎస్‌ఎస్‌ స్కాన్‌ చేయగలుగుతుంది. కనీసం 20 వేలకు పైగా గ్రహాంతరవాసులు నివాసముండే గ్రహాలను టీఈఎస్‌ఎస్‌ కనుగొంటుందని శాస్త్రవేత్తలు భావిస్తున్నారు.