'ఒక తండ్రిగా గర్విస్తున్నా.. ఒక కొడుకుగా అసూయతో కుంగిపోతున్నా' టాలీవుడ్ మన్మధుడు అక్కినేని నాగార్జున రేరెస్ట్ వర్డ్స్ ఇవి. ఇన్నేళ్ల తన కెరీర్‌లో నాన్న గారి పాత్రను ఎప్పుడూ చేయలేకపోయానని, కానీ.. ఆ పనిని చైతూ చేయడం అనిర్వచనీయమైన ఆనందాన్నిచ్చిందని ట్వీట్ చేశాడు నాగ్. 'మహానటి' సావిత్రి మూవీలో లెజెండరీ యాక్టర్ ఏఎన్ఆర్ రోల్ చేసిన నాగచైతన్యనుద్దేశించి తండ్రి నాగార్జున చేసిన ఈ కామెంట్.. టాలీవుడ్‌ని బాగా 'టచ్' చేసింది.

అప్పట్లో సావిత్రికి జతగా అనేక సినిమాల్లో చేసిన ఏఎన్నార్ పాత్ర కోసం ప్రొడ్యూసర్లు చైతూను అప్రోచ్ కావడం.. అతను ఓకె చెప్పడం.. తాత వేషమేసి మెప్పించడం అన్నీ జరిగిపోయాయి. 'మనం' మూవీలో అక్కినేనితో కలిసి నటించిన చైతూ.. ఇప్పుడు 'మహానటి'లో అక్కినేని ఎర్లీడేస్‌ని మరిపించాడు.

అందుకే.. అక్కినేని నాగార్జునకు ఈ పుత్రోత్సాహం..!