ప్రపంచ వ్యాప్తంగా ముస్లింలు పవిత్ర రమదాన్‌ మాసంలో ఉపవాసం ఉంటారు. అయితే వివిధ దేశాల్లో సమయం అటూ ఇటూగా వుంటుంది. కొన్ని దేశాల్లో ఉపవాసం సుమారు 21 గంటలు ఉంటే, మరికొన్ని దేశాల్లో కేవలం 11 గంటలు మాత్రమే ఫాస్టింగ్‌ చేయాల్సి వస్తుంది. ఐస్‌లాండ్‌లోని వాతావరణ పరిస్థితుల నేపథ్యంలో 21 గంటలపాటు లాంగెస్ట్‌ ఫాస్టింగ్‌ అక్కడ తప్పనిసరి. పిన్‌లాండ్‌లో 19 గంటలపాటు ఫాస్టింగ్‌ సమయం తప్పదు. చిలీలో అత్యల్ప సమయం మాత్రమే ఫాస్టింగ్‌ చేయాల్సి వస్తుంది. ఇక్కడి ఫాస్టింగ్‌ టైమ్‌ కేవలం 10 గంటల 33 నిమిషాలు మాత్రమే. బ్రెజిల్‌ మరియు ఆస్ట్రేలియా 11 గంటల 59 నిమిషాలు కాగా, యూఏఈలో 14 గంటల 52 నిమిషాలు ఉపవాస సమయం వుంటుంది.