-70 ఎంబీపీఎస్ 4జీ సేవలపై క్రెడిట్ స్యూస్సే నిపుణుల ఆశ్చర్యం ముంబై, డిసెంబర్ 15: కాలంతోపాటే ఇంటర్నెట్ సేవల రంగంలో కూడా ఊహించని విధంగా వేగంగా మార్పులు చోటుచేసుకుంటున్నాయి. సెకనుకు 70 మెగాబిట్ (ఎంబీపీఎస్) వేగంతో ఒక సినిమాను దాదాపు అర నిమిషంలోపే డౌన్‌లోడ్ చేసే ఫోర్త్ జనరేషన్ (4జీ) సేవలు ముంబై వినియోగదారులను విశేషంగా ఆకర్షిస్తున్నాయి. ముంబై నెటిజన్ల కోసం 4జీ సేవలను ప్రయోగాత్మకంగా రిలయన్స్ జియో ఇన్ఫోకామ్ అందుబాటులోకి తెచ్చింది. ముంబైలో ప్రయోగాత్మకంగా ప్రారంభించిన 4జీ సేవలపై ప్రముఖ రేటింగ్ సంస్థ క్రెడిట్ స్యూసే నిపుణులు సంతృప్తిని వ్యక్తం చేశారు. ఫ్రీ ట్రయల్‌లో 70 ఎంబీపీస్ స్పీడ్ డౌన్‌లోడ్ అనుభవాన్ని ప్రత్యక్షంగా చూశామని క్రిడిట్ స్యూస్సే ప్రతినిధి పేర్కొన్నారు. 30 ఎంబీపీఎస్ స్పీడ్‌తో ఓ సినిమాను మూడు నిమిషాల్లోనే డౌన్‌లోడ్ చేయొచ్చని, ఇక 70 ఎంబీపీఎస్ స్పీడ్‌తో డౌన్‌లోడ్ చేస్తే అర నిమిషం సరిపోతుందన్నారు. భారతీ ఎయిర్‌టెల్ అందిస్తున్న 4జీ స్పీడ్‌తో పోల్చితే రిలయన్స్ జియో స్పీడ్ ఎక్కువని క్రెడిట్ స్యూస్సే పేర్కొన్నది. దాదాపు 95 వేల కోట్ల వ్యయంతో భారత్‌లో 4జీ సేవలను ముఖేశ్ అంబానీకి చెందిన రిలయన్స్ ఇండస్ట్రీస్ ప్రారంభించింది