క్వాడ్‌ బైక్‌ ప్రమాదానికి గురవడంతో, దాన్ని నడుపుతున్న ఎమిరేటీ టీనేజర్‌కి తీవ్రగాయాలయ్యాయి. ప్రమాదంలో క్వాడ్‌ బైక్‌ పలుమార్లు ఫ్లిప్‌ అయ్యింది. 15 ఏళ్ళ ఎమిరేటీ టీనేజర్‌, అల్‌ ధెయిత్‌కి చెందిన వ్యక్తి. అతి వేగంతో, హెల్మెట్‌ కూడా లేకుండా యువకుడు క్వాడ్‌ బైక్‌ నడపడంతో ప్రమాదం జరిగింది. సమీపంలో వున్న కో-ఆపరేటివ్‌ సొసైటీకి వెళుతుండగా ప్రమాదం చోటు చేసుకున్నట్లు బాధిత వ్యక్తి తండ్రి చెప్పారు. ప్రత్యక్ష సాక్షి ముహమ్మద్‌ అష్రాఫ్‌ మాట్లాడుతూ, అత్యంత వేగంగా ఆ యువకుడు వాహనాన్ని నడిపినట్లు చెప్పారు. ప్రమాదంలో ఎమిరేటీ టీనేజర్‌ స్కల్‌కి గాయాలయ్యాయి.