మస్కట్‌: చిన్నారులకు నమిలే పొగాకు విక్రయిస్తున్న ఓ వ్యక్తిని పోలీసులు అదుపులోకి తీసుకున్నారు. నిందితుడికి న్యాయస్థానం ఆరు నెలల జైలు శిక్ష, 100 ఒమన్‌ రియాల్స్‌ జరీమానా విధించినట్లు పబ్లిక్‌ అథారిటీ ఫర్‌ కన్స్యుమర్‌ ప్రొటెక్షన్‌ (పిఎసిపి) పేర్కొంది. సలాలా ప్రిలిమినరీ కోర్టు నిందితుడికి శిక్షల్ని ఖరారు చేసింది. నిషేధిత నమిలే పొగాకును తయారు చేయడం, చిన్నారులకు విక్రయించడం వంటి అభియోగాలపై కేసులు నమోదయ్యాయి. ఒమన్‌ కన్స్యుమర్‌ వాచ్‌ డాగ్‌ - సలాలా, నిందితుడి గురించిన సమాచారం అందుకోగానే రంగంలోకి దిగి, రెడ్‌ హ్యాండెడ్‌గా నిందితుడ్ని అరెస్ట్‌ చేయడం జరిఇంది. సాక్ష్యాధారాలతో పట్టుకున్న తర్వాత నిందితుడు తన నేరాన్ని అంగీకరించాడు.