వెరైటీ స్టోరీలతో ఏడాదికో సినిమా చేస్తున్నాడు యంగ్ హీరో నిఖిల్. తాజాగా ఆయన నటిస్తున్న మూవీకి సంబంధించిన ఫస్ట్ లుక్, టైటిల్‌ని రివీల్ చేశాడు. దీనికి 'అర్జున్ సురవరం' పేరు పెట్టారు. పోస్టర్ విషయానికొస్తే.. ఓ వాహనంలో నుంచి బయటకు కనిపిస్తూ.. కెమెరా పట్టుకుని ఏదో సన్నివేశాన్ని షూట్ చేసినట్టుగా కనిపించాడు నిఖిల్.
 
దీంట్లో జర్నలిస్ట్ రోల్ చేస్తున్నాడు. అలాగే వాహనంపై ప్రెస్ అని కూడా రాసుంది. ఇప్పటికే షూటింగ్ ఫినిష్ చేసుకుని పోస్ట్ ప్రొడక్షన్ నిమగ్నమైంది యూనిట్. సంతోష్ డైరెక్ట్ చేస్తున్న ఈ చిత్రంలో లావణ్య త్రిపాఠీ హీరోయిన్. ఇక మార్చి 29న తెలుగు రాష్ర్టాల్లో భారీ ఎత్తున రిలీజ్ కానుంది.