కమేడియన్‌ సప్తగిరి నటిస్తున్న చిత్రం 'వికేజి' (వజ్రకవచధర గోవింద). షూటింగ్‌ పూర్తయింది. పోస్ట్‌ ప్రొడక్షన్‌ పనులు జరుగుతున్నాయి. ఈ చిత్రాన్ని ఉగాదికి విడుదల చేయబోతున్నారు. అరుణ్‌ పవార్‌ దర్శకత్వంలో నరేంద్ర యెడల, జీవీఎన్‌ .రెడ్డి ఈ చిత్రాన్ని నిర్మిస్తున్నారు. ఇటీవలే మైసూరులో చివరి షెడ్యూల్‌ జరిపారు. "సప్తగిరి నుండి ప్రేక్షకులు ఆశించే అంశాలన్నీ ఈ సినిమాలో ఉంటాయని" దర్శకుడు చెప్పారు. "కథ డిమాండ్‌ మేరకే టైటిల్‌ పెట్టడం జరిగింది. సప్తగిరి ఫన్నీ దొంగగా కనిపిస్తాడు" అని ఆయన చెప్పారు. వైభవీ జోషీ, అర్చనా వేద, టెంపర్‌ వంశీ, అవినాష్‌ తదితరులు నటిస్తన్న ఈచిత్రానికి సంగీతం: విజయ్‌ బుల్గానిన్‌, ఛాయాగ్రహణం: ప్రవీణ్‌ వనమాలి