కాలి బూడిదవుతున్న అమెజాన్ రెయిన్ ఫారెస్ట్
- August 23, 2019![1 కాలి బూడిదవుతున్న అమెజాన్ రెయిన్ ఫారెస్ట్](https://www.maagulf.com/godata/articles/201908/AF_1566536806.jpg)
అమెజాన్ రెయిన్ ఫారెస్ట్ కాలి బూడిద అవుతోంది. పదిహేను రోజులకు పైగా మంటలు వ్యాపిస్తుండటంతో అడవి దగ్థం అవుతోంది. హెక్టార్ల కొద్దీ చెట్లు కార్చిచ్చు ధాటికి మండిపోతున్నాయి. దక్షిణ అమెరికా దేశాల్లోని చాలా ప్రాంతాల్లో పొగ తీవ్రత ఎక్కువగా ఉంది. అమెజాన్, రోండోనియా రాష్ట్రాల్లో పూర్తిగా పొగ అలుముకుందని అధికారులు చెబుతున్నారు.
ఈ సీజన్ లో ఇక్కడి అధిక ఉష్ణోగ్రత, తక్కువ మొత్తంలోని ఆర్థ్రత కారణంగా అడవిలో మంటలు సాధారణమే. అయితే.. అడవి ప్రాంతంలో ఈ మధ్యకాలంలో తరచుగా అగ్ని ప్రమాదాలు చోటు చేసుకోవడం ఆందోళన కలిగిస్తోంది. ఈ సారి రికార్డ్ స్థాయిలో మంటలు చెలరేగాయి. గత కొన్నాళ్లుగా మంటల ధాటికి ఈ అడవిలోని చెట్లన్నీ కాలి బూడిద అవుతున్నాయి. ఈ ఏడాదిలో ఇప్పటికే అమెజాన్లో దాదాపు 73 వేల అగ్ని ప్రమాదాలు సంభవించాయని బ్రెజిల్ అంతరిక్ష పరిశోధనా సంస్థ ఐఎన్పీఈ వెల్లడించింది. గడచిన ఐదేళ్లలో అగ్నిప్రమాదాల సంఖ్య 83 శాతం పెరిగింది. మానవ తప్పిదాలు కూడా ప్రమాదాలకు కారణం అవుతున్నాయి. అడవుల్లో చెట్లను ఇష్టానుసారంగా కొట్టివేయటం కూడా ప్రమాద తీవ్రతను పెంచుతోంది.
రికార్డ్ స్థాయిలో చెలరేగిన కార్చిచ్చు తీవ్రతకు సంబంధించి శాటిలైట్ ఫోటోను ట్వీట్ చేసింది నాసా. భూగ్రహం మీద లభించే 20 శాతం ప్రాణవాయువుకు ఆధారమైన అమెజాన్ అడవులు ఇప్పుడు పొగతో నిండిపోయాయి.
తాజా వార్తలు
- ముంబైలో కుప్పకూలిన నాలుగు అంతస్థుల భవనం
- ఒలంపిక్ టార్చ్తో మెగాస్టార్ చిరంజీవి..
- ఆగస్టులో ఉక్రెయిన్లో పర్యటించనున్న ప్రధాని మోడీ..!
- హైదరాబాద్లో రేపు, ఎల్లుండి ట్రాఫిక్ ఆంక్షలు
- కాల్పులు జరిపిన ప్రదేశం నుండే మళ్లీ ర్యాలీ నిర్వహిస్తా: డొనాల్డ్ ట్రంప్
- వెడ్డింగ్ ప్లానర్ పై దావా గెలిచిన కొత్త జంట..!
- Qiwa.. ప్రవాసులకు ఉచితంగా జాబ్ ధృవీకరణ పత్రాలు
- రెసిడెన్సీ చట్టం ఉల్లంఘన..తనిఖీల్లో పలువురు అరెస్ట్
- అత్యున్నత ప్రపంచ ప్రమాణాలతో ఖతార్ ఏవియేషన్ రంగం..!
- పారిస్ ఒలింపిక్స్ 2024: అట్టహాసంగా ఆరంభ వేడుకలు..