రియాద్‌: దేశంలో కరోనా బాధితులందరికీ ఉచిత వైద్యం అందించాలని కింగ్‌ సల్మాన్‌ ఆదేశించారు. ప్రభుత్వ అలాగే ప్రైవేట్‌ హెల్త్‌ సెంటర్స్‌లో కరోనా బాధితులకు ఉచిత వైద్యం అందుతుందనీ, ఈ విషయమై కింగ్‌ సల్మాన్‌ ఆదేశాలు జారీ చేశారని హెల్త్‌ మినిస్టర్‌ డాక్టర్‌ తావ్‌ఫిక్‌ బిన్‌ ఫవాజ్‌ అల్‌ రబియా చెప్పారు. రియాద్‌లోని ఓ ప్రెస్‌ కాన్ఫరెన్స్ లో ఆయన మాట్లాడారు. రెసిడెన్సీ చట్ట ఉల్లంఘనులకు సైతం ఈ వైద్యం లభిస్తుంది. సిటిజన్స్‌ అలాగే రెసిడెంట్స్‌కి కరోనా వైరస్‌ నేపథ్యంలో పూర్తి భద్రత సౌదీ అరేబియాలో లభిస్తుందని ఈ సందర్భంగా మినిస్టర్‌ పేర్కొన్నారు.