రియాద్:జనరల్‌ అథారిటీ ఆఫ్‌ సివిల్‌ ఏవియేషన్‌ (జిఎసిఎ), సౌదీ అరేబియాలో రెండు కొత్త ఎయిర్‌పోర్టులను అల్‌ జౌఫ్‌ మరియు అర్‌ అర్‌లలో ప్రారంభించనుంది. మే 31 నుంచి దేశంలో డొమెస్టిక్‌ విమాన సర్వీసులు ప్రారంభం కానున్న విషయం విదితమే. కాగా, కొత్తగా రెండు ఎయిర్‌పోర్టుల ప్రారంభంతో దేశంలోని మొత్తం డొమెస్టిక్‌ ఎయిర్‌పోర్టుల సంఖ్య 13కి చేరుతుంది. కాగా, డొమెస్టిక్‌ విమానాల పునఃప్రారంభానికి సంబంధించి తొలి ఫేజ్‌లో రియాద్‌, జెడ్డా మరియు దమ్మామ్ లను చేర్చింది. మదీనా, అల్‌ కాసిమ్, అభా, తుబుక్‌, జజాన్‌ హయిల్‌, అల్‌ బహా మరియు నజ్రాన్‌ ఎయిర్‌ పోర్టులు కూడా డొమెస్టిక్‌ విమానాలతో కళకళ్ళాడనున్నాయి.