దుబాయ్‌: దుబాయ్‌ ఎయిర్‌ పోర్ట్స్‌, షెడ్యూల్డ్‌ విమానాలు అలాగే ట్రాన్సిట్స్‌ విమానాల కార్యకలాపాలకు కొత్తగా అమల్లోకి తెచ్చిన సేఫ్టీ మెజర్స్‌ ద్వారా నిర్వహించేందుకు సంసిద్ధంగా వున్నట్లు పేర్కొంది. ఈ మేరకు డిప్యూటీ సీఈఓ జమాల్‌ అల్‌ హాయి ఓ ప్రకటన విడుదల చేశారు. ట్రావెలర్స్‌ కోసం రెస్టారెంట్లు, కేఫ్‌లు ఇతర షాప్‌లు అందుబాటులో వుంటాయని చెప్పారు. ప్రొటెక్టివ్‌ గ్లాస్‌ని ఆయా ఫెసిలిటీస్‌లో ఏర్పాటు చేశారు. బాడీ హీట్‌ డిటెక్టర్స్‌ సహా సోషల్‌ డిస్టెన్సింగ్‌కి సంబంధించి కూడా ఏర్పాట్లు పూర్తయ్యాయి. అయితే, గతంలోలా ఎలాంటి భయాలూ లేకుండా ప్రయాణీకులు పూర్తి స్వేచ్ఛతో ప్రయాణాలు కొనసాగించడానికి కొంత సమయం పడుతుందని ఆయన అభిప్రాయపడ్డారు. కరోనా వైరస్‌ నేపధ్యంలో విధించిన ఆంక్షల నుంచి ఇప్పుడిప్పుడే సడలింపులు చోటు చేసుకుంటున్న విషయం విదితమే.