షార్జా:షార్జాలో ఓ ప్రయాణికుడు బరితెగించిపోయాడు. టాక్సీ డ్రైవర్ తో వాగ్వాదం జరగటంతో అతన్ని కత్తితో పొడిచి గాయపరిచాడు. షార్జాలో ఈ ఘటన చోటు చేసుకుంది. 28 ఏళ్ల నైజీరియన్ కొన్నాళ్లుగా షార్జాలో టాక్సీ నడుపుతూ జీవనోపాధి పొందుతున్నాడు. ఎప్పటిలాగే బుకింగ్ ప్రకారం ఓ వ్యక్తిని ఎక్కించుకున్నాడు. అయితే ప్రయాణికుడితో టాక్సీ డ్రైవర్ కు వాగ్వాదం చోటుచేసుకుంది. మాటమాట పెరగటంతో కోపోద్రిక్తుడైన ప్రయాణికుడు పదునైన ఆయుధంతో డ్రైవర్ ను పొడిచాడు. డ్రైవర్ ను ఆస్పత్రిలో చేర్చించినట్లు అల్ బుహైరా పోలీసులు వెల్లడించారు. అయితే..డ్రైవర్ కు ప్రాణాపాయం ఏమి లేదని, గాయలు అంత తీవ్రమైనవి కానవి చెబుతున్నారు. ఈ ఘటనపై కేసు నమోదు చేసి దర్యాప్తు చేపట్టారు.