ద్రోన్లు ఇప్పుడు విరివిగా ఉపయోగించబడుతున్నాయి. అయితే ద్రోన్లను ఎగరవేయడంలో కొన్ని నిబంధనలను పాటించక తప్పదు. భద్రతా కారణాల రీత్యా, కొన్ని ప్రాంతాల్లో ద్రోన్ల వాడకంపై నిషేధాజ్ఞలున్నాయని పోలీసు ఉన్నతాధికారులు తెలిపారు. ద్రోన్ల వినియోగంపై జనరల్‌ సివిల్‌ ఏవియేషన్‌ అథారిటీ అబుదాబీలో అవగాహన క్యాంపెయిన్‌ నిర్వహిస్తోంది. రెండు వారాలపాటు ఈ క్యాంపెయిన్‌ కొనసాగుతుంది. ద్రోన్లను వాడేటప్పుడు ఈ క్రింది విషయాల్ని గుర్తుంచుకోవాలి 
1. 400 అడుగులకన్నా ఎత్తులో ద్రోన్లను ఎగురవేయరాదు. 
2. పగలు మాత్రమే ద్రోన్లను ఉపయోగించాలి. అది కూడా వాతావరణ పరిస్థితులు సరిగ్గా ఉన్నప్పుడే ద్రోన్లను ఎగురవేయాలి. 
3. ఎయిర్‌పోర్టులు, హెలిప్యాడ్స్‌ తదితర నిషేధిత ప్రాంతాలకు ఐదు కిలోమీటర్ల దూరంలో ఎటువంటి ద్రోన్లనూ వినియోగించరాదు. 
4. ఇళ్ళ మధ్యలో, భవంతుల చుట్టూ, ప్రైవేట్‌ ప్రాపర్టీస్‌ వద్ద ద్రోన్లను ఉపయోగించకూడదు. 
5. సరదాకి తప్ప, కమమర్షియల్‌ ఉద్దేశ్యంతో ద్రోన్లను వినియోగించరాదు.