దోహా: వీకెండ్‌లో ఉరుములతో కూడిన వర్షాలు కొన్ని చోట్ల పడే అవకాశాలున్నట్లు ఖతార్‌ మిటియరాలజీ డిపార్ట్‌మెంట్‌ పేర్కొంది. పెద్దయెత్తున గాలి దుమారం కూడా చెలరేగే అవకాశాలున్నాయని మిటియరాలజీ డిపార్ట్‌మెంట్‌ సూచిస్తోంది. స్థానికంగా ఏర్పడ్డ మేఘాలతో అప్పటికప్పుడు భారీ వర్షాలు కురిసే అవకాశం వుంటుంది. ఈ నేపథ్యంలో విజిబిలిటీ గణనీయంగా తగ్గిపోతుంది. వాహనదారులు అప్రమత్తంగా వుండాలని సూచించింది. ఉష్ణోగ్రతలు 31 డిగ్రీల సెల్సియస్‌ నుంచి 40 డిగ్రీల సెల్సియస్‌ వరకూ నమోదవ్వొచ్చు. శుక్ర, శనివారాల్లో వాతావరణం ఒకే రకంగా వుండొచ్చు. కాగా, ‘వాస్మి’ సీజన్‌ అక్టోబర్‌ మధ్యలో ప్రారంభమయ్యే అవకాశం వుందని ఖతార్‌ మిటియరాలజీ డిపార్ట్‌మెంట్‌ అంచనా వేస్తోంది.

--రాజ్ కుమార్ వనంబత్తిన (మాగల్ఫ్ ప్రతినిధి,ఖతార్)