హైదరాబాద్:టాలీవుడ్ హీరో జగపతి బాబు తన సెకండ్ ఇన్సింగ్స్‏లో వరుస సినిమాలతో బిజీగా మారారు. చాలా కాలం తర్వాత సెకండ్ ఇన్సింగ్స్ స్టార్ట్ చేసిన ఈ హీరో.. పలు సినిమాల్లో విలన్‏గా, తండ్రి పాత్రలు పోషించారు. ప్రస్తుతం జగపతి బాబు ప్రధాన పాత్రలో నటిస్తున్న చిత్రం ‘FCUK (ఫాదర్-చిట్టి-ఉమా-కార్తీక్)’. ఈ మూవీకి డెబ్యూట్ డైరెక్టర్ విద్యాసాగర్ రాజు దర్శకత్వం వహిస్తున్నాడు. ఇటీవల ఈ సినిమాలోని నాలుగు పాత్రలను పరిచయం చేస్తూ ఒక్కో పోస్టర్‏ను విడుదల చేసింది చిత్రయూనిట్. తాజాగా ఈ సినిమా విడుదల తేదీని ప్రకటించారు చిత్రబృందం.

జగపతి బాబు ప్రధాన పాత్రలో నటించిన ఎఫ్‏సీయూకే మూవీని ఫిబ్రవరి 12న విడుదల చేయనున్నట్లుగా ప్రకటించారు మేకర్స్. ఇక జగపతి బాబు మీడియాతో మాట్లాడుతూ.. ఈ సినిమా ఫ్యామిలీ ఎంటర్ టైనర్. ఈ మూవీ ఖచ్చితంగా పెద్ద హిట్ అవుతుందన్న నమ్మకముందని చెప్పారు. ప్రేక్షకులకు ఈ సినిమా మంచి వినోదాన్ని అందిస్తుంది. ఇక ఈ మూవీ కోసం పనిచేసిన నిర్మాత దామోదర్ ప్రసాద్, డైరెక్టర్ విద్యాసాగర్ రాజు, రామ్ కార్తీక్, అమ్ము అభిరామి, బేబి సహశ్రితతోపాటు చిత్రయూనిట్ సభ్యులను ప్రశంసించాడు జగపతి బాబు. కేఎల్ దామోదర ప్రసాద్ శ్రీరంజిత్ మూవీస్ బ్యానర్ పై ఈ మూవీని నిర్మిస్తుండగా.. కార్తీక్, అమ్ముఅభిరామి, బేబి సహశ్రిత ప్రధాన పాత్రల్లో నటించారు.