మస్కట్:సుల్తానేట్ సరిహద్దుల అవతల చిక్కుకుపోయిన ఒంటెలను దేశంలోకి అనుమతించేందుకు ఎట్టకేలకు ఒమన్ ప్రభుత్వం ఆమోదం తెలిపింది. ఈ మేరకు వ్యవసాయ, మత్స్య, జలవనరుల మంత్రిత్వ శాఖ ప్రటకన విడుదల చేసింది. దీంతో చాన్నాళ్లుగా సరిహద్దు అవతలే ఉండిపోయిన ఒంటెలను ఎట్టకేలకు ఒమన్లోకి తీసుకొచ్చేందుకు లైన్ క్లియర్ అయింది. అంతేకాదు..ఒంటెల ఓనర్లకు, ఒంటెలను రవాణా చేసే క్యారియర్లపై  విధించే అన్ని జరిమానాల నుంచి మాఫీ చేస్తున్నట్లు ప్రకటించింది. గతేడాది సెప్టెంబర్ నుంచి ఈ ఏడాది వచ్చే మార్చి వరకు మినహాయింపు కాలంగా స్పష్టం చేసింది. ఇన్నాళ్లు వైరస్ మహమ్మారి భయంతో దేశంలోకి అనుమతులపై ఆంక్షలు విధించటంతో చాలా వరకు ఒంటెలు, ఒంటెల రవాణా చేసే క్యారియర్లు సరిహద్దులోనే ఉండిపోవాల్సి వచ్చింది. అయితే..ఇప్పుడు ఒంటెలను దేశంలోకి అనుమతిస్తున్నా...వాటిని ఏ కారణం చేత సరిహద్దు దాటించారనేది స్పష్టం చేయాల్సి ఉంటుంది. ఈ మేరకు ఫామ్ ను సమర్పించాల్సి ఉంటుంది.