కువైట్ సిటీ:రాబోయే ఒకట్రెండు రోజులు దేశ వ్యాప్తంగా పలు ప్రాంతాల్లో వాతావరణ పరిస్థితులు ప్రతికూలంగా మారే అవకాశాలు ఉన్నాయని కువైట్ అంతర్గత మంత్రిత్వ శాఖ ప్రకటించింది. కొన్ని ప్రాంతాల్లో వర్షాలు కురిసే అవకాశాలు ఉన్నాయని,దీంతో అస్థిర వాతావరణం ఉంటుందని వెల్లడించింది.ప్రతికూల వాతావరణం పట్ల ప్రజలు అప్రమత్తంగా ఉండాలని, ముఖ్యంగా వాహనదారులు వాతావరణ మార్పుల పట్ల అప్రమత్తంగా ఉండాలని సూచించింది. ప్రతి ఒక్కరు ట్రాఫిక్ నిబంధనలు పాటిస్తూ అధికారుల సూచనలను అనుసరించాలని..ఏదైనా అత్యవసరం అనుకుంటే 112కి ఫోన్ చేసి సమాచారం అందించాలని అంతర్గత మంత్రిత్వ శాఖ వెల్లడించింది.