జెడ్డా: కరోనా వైరస్ వ్యాప్తి నియంత్రణకు అమలులో ఉన్న కోవిడ్ నిబంధనలను ప్రజలు ఖచ్చితంగా పాటించి తీరాలని జెడ్డా మున్సిపాలిటీ అధికారులు కోరారు. నిబంధనలను ఉల్లంఘించిన వారిని గుర్తించేందుకు సౌదీ అధికారుల సమన్వయంతో తనిఖీలను ముమ్మరం చేసినట్లు ప్రకటించింది. ఈద్ అల్ ఫితర్ తొలి రోజున వాటర్ ఫ్రంట్ ప్రాంతాల్లో అధికార బృందాలు క్షేత్ర స్థాయి తనిఖీలు నిర్వహించినట్లు వెల్లడించింది. మొత్తం 180 ప్రాంతాల్లో తనిఖీలు నిర్వహించగా 9 చోట్ల 69 ఉల్లంఘనలు జరిగినట్లు గుర్తించామని వివరించారు. మహమ్మారి విస్తృతిని నిలువరించేందుకు ప్రజలు తమ వంతు బాధ్యతగా కోవిడ్ నిబంధనలు పాటించాలని, ఎవరైనా నిబంధనలను ఉల్లంఘిస్తే టోల్ ఫ్రీ నెంబర్ 940 ద్వారాగానీ, Balady యాప్ ద్వారాగానీ తమకు సమాచారం అందించాలని అధికారులు కోరారు.