ఒమన్: జనరల్ ఎడ్యూకేషన్ డిప్లోమాలోని గ్రేడ్ 12 విద్యార్ధుల వ్యాక్సినేషన్ కు ఆరోగ్య మంత్రిత్వ శాఖ అన్ని ఏర్పాట్లు చేసింది. ఒమన్లోని అన్ని గవర్నరేట్ పరిధిలో బుధవారం నుంచి వ్యాక్సినేషన్ ప్రక్రియ ప్రారంభిస్తోంది. అన్ని ప్రభుత్వ, ప్రైవేట్ స్కూళ్లలోని గ్రేడ్ 12 విద్యార్ధులతో పాటు బోధనా సిబ్బంది, ఎగ్జామినేషన్ కమిటీ సభ్యులు, పరిశీలకులు, పరీక్షా కేంద్రాల్లో విధులు నిర్వహించబోయే సహాయక సిబ్బంది, పరీక్ష పేపర్లు వ్యాల్యూయేషన్ చేసే కేంద్రాల సిబ్బంది లక్ష్యంగా ప్రస్తుతం వ్యాక్సినేషన్ ప్రక్రియ కొనసాగనుంది. విద్యాశాఖ డైరెక్టరేట్, వైద్యశాఖ, వ్యాక్సినేషన్ కేంద్రాలు సమన్వయంతో వ్యాక్సినేషన్ను విజయవంతంగా నిర్వహించేలా ప్రణాళిక సిద్ధం చేశారు.