సౌదీ అరేబియా, ఖతార్ దేశాల నుంచి యూరోపియన్ యూనియన్ దేశాలకు ప్రయాణ అడ్డంకులు తొలిగిపోనున్నాయి.ఈ రెండు దేశాలతో సహా మొత్తం 11 దేశాలను సేఫ్ కోవిడ్ 19 ట్రావెల్ లిస్టులో చేర్చింది ఈయూ.రాబోయే రోజుల్లో అనుసరించాల్సిన అంతర్జాతీయ ప్రయాణ విధానాలపై ఈయూకి చెందిన 27 మంది రాయబారులు సమావేశమై ఈ మేరకు 11 దేశాల నుంచి ప్రయాణాలకు ఆమోదం తెలిపారు.సేఫ్ లిస్టులో ఖతార్, సౌదీ అరేబియా, అర్మేనియా, అజర్‌బైజాన్, బోస్నియా మరియు హెర్జెగోవినా, బ్రూనై, కెనడా, జోర్డాన్, కొసావో, మోల్డోవా, మోంటెనెగ్రో దేశాలు ఉన్నాయి.