మస్కట్ :  చిరు మెగా యూత్ పోర్స్  ( సి ఎం వై ఎఫ్ ) స్వచ్చంద సేవా సంస్థ స్థానిక రాయల్ హాస్పిటల్ ఎదురుగా ఉన్న బుషేర్ బ్లడ్ బ్యాంక్ వద్ద శుక్రవారం ఉదయం 8 గంటలకు భారీ రక్తదాన శిభిరంను నిర్వహించనుంది. మానవతావాడులందరూ ఈ కార్యక్రమంలో పాల్గొని ఈ మహోన్నత చర్య ద్వారా సాటి మనిషి ప్రాణాలను సంరక్షించాలని నిర్వాహకులు కోరుతున్నారు. 
చిరు మెగా యూత్ పోర్స్ ( సి ఎం వై ఎఫ్ ) స్వచ్చంద సేవా సంస్థ అనేక సందర్భాల్లో రక్తదాన శిభిరాలను ఏర్పాటు చేసి పెద్ద మొత్తంలో బ్లడ్ బ్యాంకులకు రక్తాన్ని ఇవ్వడం ద్వారా ఎంతో విలువైన సహాయ సహకారాలు అందించారని ఒమాన్ మంత్రిత్వశాఖ అభినందించింది. పలువురు రక్త దాతలను సమీకరించి వారి చేత మహోన్నత చర్యను నిస్వార్ధంగా చేయించగలగడం ప్రసంసించదగిన విషయమన్నారు.