కాంతుల 'సంక్రాంతి'
- January 16, 2022తెలుగు ప్రజల సంస్కృతి సంప్రదాయాల పండుగ
ధనుర్మాసారంభం ఆధ్యాత్మికత సమైక్యత పండుగ
పల్లెలన్ని మురిసి మెరిసిపోయే నిండైన పండుగ
చలిపులికి వెరవక భానుడి వెలుగులు గోచరించకముందే ముంగిళ్ళలో రంగురంగుల రంగవల్లులతో భూమాతని అతివలు ముస్తాబుచేసి గొబ్బెమ్మలు తంగేడు పూలతో అలంకరించి గుమ్మాలకి మామిడితోరణాల శోభనొసగి
ముద్దుగారే ముద్దబంతులు ఆహ్వానం పలికే పండుగ
భగభగమండే భోగభాగ్యాలతో చెడుని తరిమికొట్టి
మంచికోరుతు చిన్నారులని దీవించె భోగిపండ్ల పండుగ
కొత్త పంటరాకతో కళకళలాడే రైతన్నల ఆశలకి
సేద్యంలో తోడైన గోమాతని పూజించే పండుగ
నోరూరించే ఘమఘమలు పిండివంటల పండుగ
కొత్త ధాన్యంతో పొంగిపోయే పొంగళ్ళు పండుగ
మదిమదిలో ఉప్పొంగే ఆనంద పరవళ్ల పండుగ
అంబరాన్నంటే పతంగులు ఎగురవేయు పండుగ
పసుపు కుంకుమలు ఇచ్చిపుచ్చుకునే పండుగ
నూతనవస్త్ర ధారణతో ఇంటిల్లిపాదీ మురిసే పండుగ
చిన్నపెద్ద బంధువులతో ఉరుకుల పరుగుల కేరింతలతో
కొత్త అల్లుళ్ళ రాకతో బావమరదళ్ళు ఆటపాటలతో
కోలాటాలతో కోలాహలంగా సాగిపోయే పండుగ
హరిదాసు బసవన్న ఆటపాటల కోడిపందాల పండుగ
ఏటేటా నవ్యక్రాంతులు మోసుకొచ్ఛే కొత్త సంక్రాంతి
తెలుగు భాష తియ్యదనం గొప్పదనం తెలుసుకున్న
ప్రతి తెలుగువారు మన వారసత్వం నిలుపుకుంటూ శాంతి సౌభాగ్యాలతో కొత్త వెలుగులు నింపాలని కోరుకునే పండుగ తెలుగువారి పండుగగా అవతరించింది మకరసంక్రాంతి.
--యామిని కొళ్లూరు(అబుధాబి)
తాజా వార్తలు
- T20 ప్రపంచకప్...బ్రాండ్ అంబాసిడర్గా బోల్ట్
- తెలంగాణ రాష్ట్రంలో వేర్వేరు రోడ్డు ప్రమాదంలో 10 మంది మృతి
- ఇళ్ల మరమ్మతులకు Dh2 బిలియన్ ఫండ్
- ఈజిప్షియన్లకు వర్క్ పర్మిట్ జారీ నిలిపివేత..!
- విదేశీ కార్మికుల కోసం బహ్రెయిన్లో కొత్త చట్టం..!
- హాస్పిటల్లో చేరిన కింగ్ సల్మాన్..!
- ఒమన్ లో 'ఎక్స్చేంజ్ యువర్ ల్యాండ్' ప్రారంభం
- ఏప్రిల్ 16న విధించిన ట్రాఫిక్ జరిమానాలు రద్దు
- ఐపీఎల్ టికెట్ల అమ్మకాల్లో భారీ అక్రమాలు..
- ముగిసిన రెండో విడత ఎన్నికల ప్రచారం..