ఖతార్: మల్టీ సర్వీసెస్ వేదిక కరీమ్, కార్ రైడ్స్ ధరల్ని 10 శాతం మేర తగ్గించింది.గతంలో ధరల కంటే 10 శాతం తక్కువగా అంటే, 7.5 ఖతారీ రియాల్స్‌కే రైడ్ దొరుకుతుంది. గతంలో ఓల్డ్ ఎయిర్ పోర్టు నుంచి వెస్ట్ బే వరకు 15 రియాల్స్ వుండగా 14 రియాల్స్‌కి తగ్గుతుంది. కొన్ని రైడ్స్ ధరలు 27 నుంచి 24 ఖతారీ రియాల్స్ వరకు కూడా తగ్గుతాయి. ఇటు వినియోగదారులకు అటు కెప్టెన్లకూ లాభం కలిగేలా ఈ ధరల సవరింపు జరిగింది. రైడ్ ధరల తగ్గింపు కారణంగా ఎక్కువమంది ఈ వాహనాల్ని వినియోగించడం జరుగుతుందని కరీమ్ జనరల్ మేనేజర్ ఖాలెద్ నుసైబెహ్ చెప్పారు.