ఖతార్: కార్మిక శాఖ మంత్రి డాక్టర్ అలీ బిన్ స్మైఖ్ అల్-మర్రీ అధ్యక్షతన నేషనల్ కమిటీ ఫర్ కంబాటింగ్ హ్యూమన్ ట్రాఫికింగ్ కమిటీ 2022లో తొలిసారి సమావేశమైంది. ఈ సందర్భంగా మానవ అక్రమ రవాణా బాధితులకు రక్షణ, మద్దతును పెంపొందించడంపై చర్చించింది. మానవ అక్రమ రవాణాను ఎదుర్కోవడంలో కమిటీ పాత్రను ప్రోత్సహించడంపై కమిటీ దృష్టి సారించింది.దీని కోసం సంబంధిత రాష్ట్ర అధికారుల మధ్య సమన్వయాన్ని పెంపొందించడానికి ఉద్దేశించిన అనేక ప్రతిపాదనలు, ప్రాజెక్టులను సమావేశం సమీక్షించింది. మానవ అక్రమ రవాణాను ఎదుర్కోవడంలో ఖతార్ ప్రయత్నాలను బలోపేతం చేయడం గురించి కూడా సమావేశంలో చర్చించారు. ఈ సమావేశానికి పబ్లిక్ ప్రాసిక్యూషన్, జాతీయ మానవ హక్కులతో పాటు కార్మిక మంత్రిత్వ శాఖ, అంతర్గత వ్యవహారాల మంత్రిత్వ శాఖ, విదేశీ వ్యవహారాల మంత్రిత్వ శాఖ, న్యాయ మంత్రిత్వ శాఖ, ప్రజారోగ్య మంత్రిత్వ శాఖ ప్రతినిధులు హాజరయ్యారు.