అల్‌ దాహిద్‌ మున్సిపాలిటీ 1,000 కిలోల పాన్‌ (నార్కోటిక్‌ సబ్‌స్టాన్స్‌)ని సీజ్‌ చేసింది. ఈ సందర్భంగా ఆసియాకి చెందిన వ్యక్తిని అరెస్ట్‌ చేసింది. యూఏఈలో పాన్‌ నిషిద్ధం. మునిసిపాలిటీ పరిధిలో చట్ట వ్యతిరేక కార్యకలాపాలు జరుగుతున్నాయన్న సమాచారం మేరకు ప్రత్యేక టీమ్‌లను ఏర్పాటు చేశారు. ఈ టీమ్‌లో ఓ ఇంటిపై దాడి చేసి, పెద్దమొత్తంలో పాన్‌ని సీజ్‌ చేయడం జరిగింది. 2091 బ్యాగ్స్‌ని ఈ సందర్భంగా అధికారులు గుర్తించారు. అమ్మకానికి సిద్ధంగా ఉంచిన 55 కిలోల పాన్‌ని సీజ్‌ చేయడం జరిగింది. 990 కిలోల రా పాన్‌, తయారీలో ఉండగా దాన్ని కూడా సీజ్‌ చేశారు. డిపార్ట్‌మెంట్‌ ఆఫ్‌ మునిసిపాలిటీ ఆపరేషన్స్‌ హెడ్‌ సలీమ్‌ సయీద్‌ అల్‌ తునైజి మాట్లాడుతూ, సహజమైన కొన్ని పదార్థాలను, కొన్ని రసాయనాలతో కలిపి పాన్‌గా తయారు చేస్తారు. సమాజానికి ఇది ఎంతో చెడు చేస్తుందని అన్నారాయన.