కువైట్: అంతర్గత మంత్రిత్వ శాఖ వెబ్‌సైట్ (www.moi.gov.kw)లో కేసుల విచారణలను తెలుసుకునే ఫాలో-అప్ సర్వీస్ (కేస్ ప్రోగ్రెస్) ప్రారంభమైంది. ఈ మేరకు అంతర్గత మంత్రిత్వ శాఖ ప్రకటించింది. జనరల్ డిపార్ట్ మెంట్ ఆఫ్ ఇన్ఫర్మేషన్ సిస్టమ్స్, జనరల్ డిపార్ట్‌మెంట్ ఆఫ్ ఇన్వెస్టిగేషన్స్ సమన్వయంతో ఈ సర్వీసును ప్రజలకు అందుబాటులోకి తీసుకొచ్చినట్లు పేర్కొంది. తాజా సాంకేతిక అభివృద్ధితో వేగవంతమైన పనితీరు, కచ్చితత్వం, పౌరులు, నివాసితులకు మెరుగైన సౌకర్యాన్ని కల్పించడం లక్ష్యంగా ఈ సర్వీసును ప్రవేశపెట్టినట్లు అంతర్గత మంత్రిత్వ శాఖ వెల్లడించింది. ఈ అప్లికేషన్ జనరల్ డిపార్ట్‌మెంట్ ఆఫ్ ఇన్వెస్టిగేషన్‌లో నమోదైన కేసుల గురించి విచారణలను(37 రకాల దుష్ప్రవర్తన కేసులు) గురించి తెలుసుకోవచ్చని మంత్రిత్వ శాఖ వివరించింది. తమ కేసుల విచారణ స్థాయిని తెలుసుకునేందుకు కువైటీస్ జాతీయత సంఖ్య, నివాసితుల నివాస సంఖ్య  అయితే 9 అంకెల సంఖ్యను సంబంధిత ఫీల్డ్ లో నమోదు చేయడం ద్వారా సమాచారాన్ని పొందవచ్చని పేర్కొంది.