రియాద్ : సౌదీ అరేబియాలో మొదటి విదేశీ బీమా కంపెనీ బ్రాంచ్‌కు లైసెన్స్‌ని జారీ అయింది. సిగ్నా వరల్డ్‌వైడ్ ఇన్సూరెన్స్ కంపెనీకి లైసెన్సింగ్ జారీ చేసినట్లు సౌదీ సెంట్రల్ బ్యాంక్ (SAMA) ప్రకటించింది. ఇది సౌదీ అరేబియాలో మొదటి విదేశీ ఆరోగ్య బీమా కంపెనీ శాఖ కావడం గమనార్హం. కొత్త విదేశీ బ్రాంచ్ కు లైసెన్సింగ్ జారీ చేయడం సౌదీ అరేబియాలోని ఫారిన్ ఇన్సూరెన్స్ , రీఇన్స్యూరెన్స్ కంపెనీల బ్రాంచ్‌ల లైసెన్సింగ్, పర్యవేక్షణ నియమాల లక్ష్యాలను నెరవేర్చడం లక్ష్యంగా పెట్టుకుందని సెంట్రల్ బ్యాంక్ తన ప్రకటనలో పేర్కొంది. ఇది సౌదీ విజన్ 2030 లక్ష్యాలను సాధించడంలో ఆర్థిక స్థిరత్వానికి మద్దతు ఇవ్వడం, జాతీయ ఆర్థిక వృద్ధికి తోడ్పడటంలో భాగంగా ఉందన్నారు.