‘ఎక్స్‌ట్రా - ఆర్డినరీ మేన్’ అనే సినిమాలో నితిన్ నటిస్తున్న సంగతి తెలిసిందే. ఈ సినిమాకి సంబంధించి ఫస్ట్ లుక్ పోస్టర్ ఆ మధ్య రిలీజై సెన్సేషన్ అయ్యింది.

ఈ పోస్టర్‌లో నితిన్ లుక్సే అంత సెన్సేషన్ అయ్యేందుకు కారణం. ఈ సినిమాలో ఓ స్టార్ హీరోకి వీరాభిమానిగా నితిన్ కనిపించబోతున్నాడన్న ప్రచారం వుంది..!

అలాగే, రెండు డిఫరెంట్ వేరియేషన్స్‌లో నితిన్ కనిపించబోతున్నాడు ఈ సినిమాలో. శ్రీలీల హీరోయిన్‌గా నటిస్తున్న ఈ సినిమాకి వక్కంతం వంశీ దర్శకత్వం వహిస్తున్నాడు.

కాగా, ఈ సినిమా గురించి ఓ ఇంట్రెస్టింగ్ గాసిప్ చక్కర్లు కొడుతోంది. ఈ సినిమాకి అనుకున్నదాని కన్నా బడ్జెట్ ఎక్కువయిపోతోందంటూ ఆ గాసిప్ సారాంశం. 

ప్రస్తుతం నితిన్ మార్కెట్ ఏమంత బాగా లేదు. వరుస ఫ్లాపులతో సతమతమవుతున్నాడు. దాంతో, బడ్జెట్ ఎక్కువ పెట్టేస్తే తదుపరి పరిణామాలెలా వుంటాయన్న అంశంపై నిర్మాతలతో పాటూ, నితిన్ కూడా తర్జన భర్జన పడుతున్నారట. చూడాలి మరి. ఏం జరుగుతుందో.!