తెల్ల జుట్టు సమస్య తీవ్రతరమైంది. ఒకప్పుడు వయసుతో పాటు తెల్లజుట్టు సమస్య వచ్చేది. అందుకే దాన్ని సమస్యగా తీసుకునేవారు కాదు. కానీ, ఇప్పుడది పెద్ద సమస్యగా పరిణమించింది. అందుకు కారణం చిన్న వయసులోనే జుట్టు మెరిసిపోవడం.

మనం తీసుకునే ఆహారమే అందుకు కారణం. టీనేజ్ యువతనీ ఈ సమస్య వేధిస్తోంది. దాంతో, సడెన్‌గా పార్టీలకూ, ఫంక్షన్లకు వెళ్లాలంటే ఇబ్బంది పడుతున్నారు.

కొన్ని సందర్భాల్లో మార్కెట్లో లభించే డై ప్రొడక్టులను వాడాల్సి వస్తోంది. దాంతో, ఈ సమస్య మరింత తీవ్రతరమవుతోంది. అలాగే, ఇతరత్రా సైడ్ ఎఫెక్ట్స్ బారిన కూడా పడాల్సి వస్తోంది.

అందుకే కొన్ని సహజ సిద్ధమైన చిట్కాల ద్వారా ఈ సమస్యను తీర్చుకోవచ్చని నిపుణులు చెబుతున్నారు. అందులో ముఖ్యమైనది ఉసిరి పొడి కాగా, ఇంకోటి బ్లాక్ టీ.

బ్లాక్ టీ పౌడర్‌ని నీటిలో కాచి చల్లారాక తలకు పట్టించి ఓ అరగంట తర్వాత మంచి నీటితో కడిగేస్తే తెల్లజుట్టు సమస్యకు పరిష్కారం లభిస్తుందని నిపుణులు చెబుతున్నారు.

అలాగే, ఏ టీ పౌడర్ అయినా తీసుకుని దాన్ని ఓ గ్లాస్ వాటర్‌లో కలిపి బాగా మరిగించి, గోరింటాకు పొడిని, ఉసిరి పొడిని కలిపి తలకు పట్టించి ఒక గంట తర్వాత కడిగేసినా తెల్ల జుట్టు నల్లగా మారుతుంది. అయితే, ఈ ప్రాసెస్‌కి కాస్త ఓపిక కావాలి. మెల్ల మెల్లగా జుట్టు నల్లగా మారుతుంది. కానీ, జుట్టు ఆరోగ్యంగా వుంటుంది.