మస్కట్: మార్చి 3 నుండి 7 వరకు జరగనున్న మస్కట్ ఇంటర్నేషనల్ ఫిల్మ్ ఫెస్టివల్ పదకొండవ సెషన్ వివరాలను మస్కట్‌లోని ఒమానీ ఫిల్మ్ సొసైటీ ప్రధాన కార్యాలయంలో ప్రకటించారు. ఈ ఫెస్టివల్‌లో ఫిక్షన్ ఫిల్మ్‌లు, డాక్యుమెంటరీ ఫిల్మ్‌లు, ఒమానీ షార్ట్ ఫిక్షన్ ఫిల్మ్‌లు, ఒమానీ డాక్యుమెంటరీ ఫిల్మ్‌ల పోటీతో సహా వివిధ రంగాలలో అనేక పోటీలు ఉంటాయని తెలిపారు. అలాగే సెమినార్‌లు, వర్క్‌షాప్‌లు మరియు ప్రొడక్షన్ కంపెనీలకు ఉన్న ఫెస్టివల్ సౌక్ (మార్కెట్)తో సహా అనేక కార్యక్రమాలను ఈ సందర్భంగా నిర్వహించనున్నారు. ఈ ఫిల్మ్ ఉత్సవంలో ఐదు రోజుల పాటు పలువురు సినీ దర్శకులు, సినీ తారలను సత్కరిస్తారు. భారతీయ నటుడు- నిర్మాత షారుఖ్ ఖాన్, ఇరాన్ నుండి దర్శకుడు సతారా, ఈజిప్ట్ నుండి నెల్లీ కరీం, కువైట్ నుండి హోడా హుస్సేన్, ఒమన్ నుండి అబ్దుల్లా హబీబ్, మొహమ్మద్ అల్ కిండి, బుతైనా అల్ రైసి, తగ్లుబ్ అల్ బర్వానీ, ఖలీల్ అల్ సినానీతో పాటు బహ్రెయిన్ నుండి డైరెక్టర్ యాకూబ్ అల్ మక్లా, పాలస్తీనా నుండి డైరెక్టర్ మహ్మద్ బక్రీలను ఘనంగా సత్కరించనున్నారు. ఈ ఫెస్టివల్‌లో స్థానిక మరియు అంతర్జాతీయ సినిమా పరిశ్రమపై ఆసక్తి ఉన్నవారిని ఒకే తాటిపైకి తీసుకురానున్నట్లు వెల్లడించారు.