యూఏఈ: అరబ్ హోప్ మేకర్స్ అవార్డు విజేత ఎవరనేది ఫిబ్రవరి 25న తెలుస్తుంది. దుబాయ్‌లోని సిటీ వాక్‌లోని కోకా-కోలా అరేనాలో జరిగే వేడుకలో విజేతకు Dh1 మిలియన్ల నగదు బహుమతిని అందజేస్తారు. మొహమ్మద్ బిన్ రషీద్ అల్ మక్తూమ్ గ్లోబల్ ఇనిషియేటివ్స్ (MBRGI) ప్రకారం.. 4వ ఎడిషన్ కోసం 58,000 కంటే ఎక్కువ నామినేషన్లు వచ్చాయి. యూఏఈ వైస్ ప్రెసిడెంట్, ప్రధాన మంత్రి మరియు దుబాయ్ పాలకుడు షేక్ మొహమ్మద్ బిన్ రషీద్ అల్ మక్తూమ్ శుక్రవారం తన X సోషల్ మీడియా ఖాతాలో అవార్డును ప్రకటించారు.  అరబ్ హోప్ మేకర్స్ 2017లో ప్రారంభమైనప్పటి నుండి 300,000 కంటే ఎక్కువ నామినేషన్లు వచ్చాయి. 

గత విజేతలు

-2017లో  మొరాకోకు చెందిన నవాల్ అల్ సౌఫీ అరబ్ హోప్ మేకర్‌గా ఎంపికయ్యారు. 200,000 కంటే ఎక్కువ మంది శరణార్థుల జీవితాలను రక్షించడంలో సహాయం చేసారు.   

-కైరో వీధుల్లో నిరాశ్రయులైన వృద్ధులకు ఆశ్రయం కల్పించినందుకు ఈజిప్ట్‌కు చెందిన మహమూద్ వాహిద్ 2018లో అరబ్ హోప్ మేకర్‌గా ఎంపికయ్యాడు.

-2020లో చివరి విజేత ఎమిరాటి అహ్మద్ అల్ ఫలాసి, కెన్యాలోని మొంబాసాలో అధునాతన కిడ్నీ డయాలసిస్ కేంద్రాలు మరియు ఇంక్యుబేటర్‌లను స్థాపించడంలో తన మిషన్ కోసం అవార్డుకు ఎంపికయ్యాడు.