‘హనుమాన్’ సినిమాతో బిగ్గెస్ట్ హిట్ సొంతం చేసుకున్న తేజ సజ్జా త్వరలో ‘మిరాయ్’ సినిమాతో రాబోతున్నాడు. ఈ సినిమా నిజానికి వచ్చే ఏడాది రిలీజ్ కానుంది. కానీ, లేటెస్ట్‌గా రిలీజ్ చేసిన గ్లింప్స్ సినిమాపై ఆసక్తి క్రియేట్ చేసింది.

ఇంతవరకూ సూపర్ హీరో ట్యాగ్ సొంతం చేసుకున్న తేజ సజ్జా ఇప్పుడు ‘మిరాయ్’తో సూపర్ యోధ టైటిల్‌ని దక్కించుకోబోతున్నాడు. ఈ సినిమాలో భీభత్సమైన యాక్షన్ ఘట్టాలున్నాయని గ్లింప్స్ ద్వారా చెప్పకనే చెప్పేశారు.

సామ్రాట్ అశోకుని నేపథ్యంలో ఈ సినిమా రూపొందబోతోంది. మంచు మనోజ్, దుల్కర్ సల్మాన్ వంటి మంచి నటులు ఈ సినిమాలో భాగం పంచుకోబోతున్నారు. తేజ సజ్జా లుక్స్ గట్రా ప్రామిసింగ్‌గా వున్నాయ్.

‘హనుమాన్’ అనూహ్య విజయంతో ఈ సినిమాని ప్యాన్ ఇండియా సినిమాగా రిలీజ్ చేస్తున్నారు. ఇంత బిల్డప్ ఈ సినిమాకి వున్నప్పటికీ, తేజ సజ్జా మాత్రం చాలా కామ్‌గా వున్నాడు.

ఏమాత్రం ఓవరాక్షన్ చేయకుండా ఒదిగా ఒదిగి వున్నాడు. అయితే, ఈ సినిమా కూడా సక్సెస్ అయితే మాత్రం తేజ స్జా రేంజ్ ఎక్కడికో వెళ్లిపోతుంది ఇది మాత్రం పక్కా.!