ఇండోనేసియాలో బుధవారం ఉదయం భారీ భూకంపం సంభవించింది. ఆ దేశ ఉత్తరప్రాంతంలో మలుకు ప్రావిన్స్ లో భూప్రకంపనలు వచ్చాయి. రిక్టర్ స్కేలుపై భూకంప తీవ్రత 6.4గా నమోదైంది.టెర్నటె నగరానికి వాయవ్య ప్రాంతంలో 124 కిలో మీటర్ల దూరంలో 58 కిలో మీటర్ల లోతున భూకంప కేంద్రం ఉన్నట్టు గుర్తించారు. ప్రజలు భయంతో ఇళ్లలో నుంచి బయటకు పరుగులు తీశారు. కొన్ని ఇళ్లు ధ్వంసమైనట్టు సమాచారం. ఇండోనేసియా ఉత్తర ప్రాంతంలో చాలా చోట్ల భూప్రకంపనలు సంభవించాయి. కాగా సునామీ వచ్చే అవకాశం లేదని వాతావరణ శాఖ అధికారులు చెప్పారు.