ఎలక్షన్స్ హీట్‌తో తడిసి ముద్దయ్యాడు పవన్ కళ్యాణ్ ఇంతవరకూ. ఎలక్షన్స్ పేరు చెప్పి చాలా చాలా కష్టపడ్డాడు. జనం కోసం జనంతో అహర్నిశలు మమేకమయ్యాడు. కోట్లు కొల్లగొట్టే సినిమాలను సైతం పక్కన పెట్టేశాడు.

ఎలక్షన్లు ముగిసిపోయాయ్. రిజల్ట్‌కి ఇంకాస్త టైముంది.  ఈ టైమ్‌లో కాస్త టైమ్‌ని విశ్రాంతి కోసం వాడుకుని, మరికొంత టైమ్‌ని సినిమాల కోసం కేటాయించాలనుకుంటున్నాడనీ ఇన్‌సైడ్ గుస గుస.

పవన్ కళ్యాణ్ నుంచి రాబోయే సినిమాల్లో సగం సగం షూటింగ్ పూర్తి చేసుకున్న సినిమాలు ‘ఉస్తాద్ భగత్ సింగ్’ ఒకటి, ‘ఓజీ’ ఇంకోటి.. ‘హరి హర వీరమల్లు’ మరోటి. ఈ మూడు చిత్రాలను తనవంతుగా పూర్తి చేసే పని పెట్టుకున్నాడని ప్రచారం జరుగుతోంది.

అలా చేస్తే ఈ సినిమాలు ఈ ఏడాదే ప్రేక్షకుల ముందుకొచ్చే అవకాశాలు లేకపోలేదు. అన్నీ కలిసొచ్చి ఎలక్షన్లలోనూ విజయం సాధిస్తే.. ఓ వైపు రాజకీయాలూ, మరో వైపు సినిమాలూ.. పవన్ కళ్యాణ్ తన అభిమానులకి డబుల్ పండుగే.!