పూరీ జగన్నాధ్ దర్శకత్వంలో తెరకెక్కిన ‘ఇస్మార్ట్ శంకర్ మంచి విజయం అందుకున్న సంగతి తెలిసిందే. అప్పటి వరకూ పూరీ జగన్నాధ్ పనైపోయిందనుకున్నవారంతా అవాక్కయ్యేలా ఈ విజయం ఆయన్ని కమ్ బ్యాక్ చేసింది.

అయితే, ఆ తర్వాత వచ్చిన ‘లైగర్’ సినిమా మళ్లీ పూరీ జగన్నాధ్‌ని పాతాళానికి పడేసిందనుకోండి. కానీ, ‘ఇస్మార్ట్ శంకర్’ సక్సెస్ టైమ్‌లోనే అనౌన్స్ చేసిన ‘డబుల్ ఇస్మార్ట్’ ‌ని మాత్రం మొదలు పెట్టాడు.

శరవేగంగా షూటింగ్ పనులు జరుగుతున్నాయ్. కానీ, తాజాగా అందుతోన్న సమాచారం ప్రకారం ఈ సినిమాకి బడ్జెట్ కష్టాలు వెంటాడుతున్నాయట. బిజినెస్ అస్సలు జరగడం లేదనీ తెలుస్తోంది.

ప్రస్తుతం పూరీ జగన్నాధ్ వున్న ప్లాఫుల పరిస్థితి కారణంగా ఈ సినిమాని కొనేందుకు డిస్ట్రిబ్యూటర్లెవరూ ముందుకు రావడం లేదట. దాంతో సినిమాని పూర్తి చేయడం కష్టంగా వుందని అంటున్నారు.

ఈ సిట్యువేషన్‌ని ఎదుర్కోవాలంటే సినిమాపై అంచనాలు క్రియేట్ చేయాలి. ఆ దిశగానే పూరీ పావులు కదుపుతున్నాడట. టీజర్‌ని ఎఫెక్టివ్‌గా కట్ చేసేందుకు ప్రయత్నం చేస్తున్నాడట. ఈ నెల 15న టీజర్ రిలీజ్ సన్నాహాలు జరుగుతున్నాయట.

టీజర్ ఆకట్టుకుంటే.. సినిమాకి బిజినెస్ బాగా జరుగుతుంది. చూడాలి మరి, పూరీ ప్రయత్నాలు ఫలిస్తాయో లేదో.!