మసాలా దినుసుల్లో ఒకటైన గసగసాలు ఆరోగ్యానికి చాలా మంచివి. గట్టిగా చెప్పాలంటే గసగసాలు ఎముకలను బలోపేతం చేయడంలో బాగా తోడ్పడతాయ్.

గసగసాల్లో ఎక్కువ శాతం కాల్షియం వుంటుంది. అందుకే ఎముకలను ధృడంగా వుంచేందుకు సహాయపడుతుంది.

వయసుతో పాటూ వచ్చే కీళ్ల నొప్పుల్ని దూరం చేయడంలోనూ గసగసాల పాత్ర అత్యంత కీలకం. అయితే, కేవలం మసాలా దినుసుగానే గసగసాలను ఉపయోగించాలా.? కాదని అంటున్నారు నిపుణులు.

గసగసాల్ని రాత్రి పూట నానబెట్టి, తెల్లారి పేస్ట్‌లా చేసుకుని తాగితే కీళ్ల నొప్పులు తగ్గుతాయ్. అలాగే, పాలలో నానబెట్టిన గసగసాలు ఇంకాస్త మంచి ఫలితాలిస్తాయ్.
గసగసాల్ని పొడిగా చేసి, రోటీల్లోనూ, దోసెల్లోనూ కూడా కలిపి తీసుకోవచ్చని నిపుణులు చెబుతున్నారు.

గసగసాలతో స్వీట్ పాయసాలు కూడా చేసుకోవచ్చని డైటీషియన్లు చెబుతున్నారు. మరింకేం, కేవలం మసాలా దినుసుగా నాన్ వెజ్ ఐటెమ్స్‌లోనే గసగసాలను వాడడం కాదు.. పైన చెప్పిన వెజ్ ఐటెమ్స్‌లో కూడా వాడుతూ ఎముకల ధృడత్వాన్ని పెంచుకోండి.