‘స్వయంవరం’ సినిమాతో కుర్రకారు గుండెల్లో గుబులు పుట్టించిన ముద్దుగుమ్మ లయ. పదహారణాల తెలుగమ్మాయ్. అప్పట్లో కొన్ని సంచలన విజయాలే వున్నాయ్ ఈ ముద్దుగుమ్మ ఖాతాలో.

అయితే, పెళ్లి చేసుకుని నటనకు దూరమైపోయింది. ప్రస్తుతం ఫ్యామిలీతో కలిసి అమెరికాలో నివాసముంటున్న లయ, నటనలో సెకండ్ ఇన్నింగ్స్ స్టార్ట్ చేసేందుకు సిద్ధమైంది.

ఆ క్రమంలోనే నితిన్ హీరోగా తెరకెక్కుతోన్న ‘తమ్ముడు’ సినిమాలో ఓ ఇంపార్టెంట్ రోల్ పోషిస్తోంది. రీ ఎంట్రీలో మరిన్ని ప్రాజెక్టులు లయ కోసం చర్చల దశలో వున్నాయని తెలుస్తోంది. ఇక నుంచి వరుసగా సినిమాలు చేస్తానని లయ చెబుతోంది.

నెగిటివ్ రోల్, పవర్ ఫుల్ రోల్.. ఇలా ఎలాంటి పాత్రయినా కాస్త విభిన్న తరహా పాత్రల్లో నటించాలనుకుంటోందట లయ. తాజాగా ఓ ఛానెల్‌కిచ్చిన ఇంటర్వ్యూలో లయ ఈ ఆసక్తికరమైన విషయాలు పంచుకుంది. అలాగే, జూనియర్ లయ (లయ ముద్దుల తనయ) కూడా సినిమాల్లోకి వచ్చే అవకాశాలున్నట్లు తెలుస్తోంది.