తెలంగాణ తమ్ములారా  అలుపెరుగని అన్నలారా

తెలంగాణ బిడ్డ లారా  పది జిల్లల పౌరు లారా              -2

చేయి చేయి కలిపి మనం భాయి భాయి అనుకుంటూ

సాధించిన తెలంగాణ సాగు చేసి సాన బెట్టి

                                                     బంగారు తెలంగాణ రాష్ట్రము జేద్దాము రండ్రి  llతెలంగాణll

                                     అరవైయేళ్లు అణిగిపోయి గతితప్పిన బతుకు మనది

                                    ఒళ్ళంతా ఎండి పోయిన పదిజిల్లల తల్లి మనది

                                    మన బతుకులు మంచిగయ్యి మన తల్లీ ఆరోగ్యము   

                                   మెరుగుపడే పనులు కలిసి మెలిసీ జేద్దాము రండ్రి llతెలంగాణll

                                   బోరు బావులల్ల నీరు ఎండి పోగ బోరుమంటు

                                  ఏడ్చి ఏడ్చి ఎండి పోయిన రైతన్నల చేoడ్లలోకి

                                 ఊరూరా చెరువుల్లో పూటికలను తీసుకుంటు

                                 జోరుగా పారేటి నీటి కాల్వలు తవ్వుదాము రండ్రి  llతెలంగాణll

                                              అప్పు దీర్చ లేక ఆత్మ హత్యలకు పాల్పడిన  

                                 అన్నదాతలున్న ఊర్ల కెల్లి వారి నూరడించి

                                 కష్టాల వెనకున్న కారణాలు  వెదికి వారి 

                                నష్టాలను పూరించ నడుములు కడదాము రండ్రి llతెలంగాణll

                               తగినన్ని డిగ్రీలు చేత బట్టుకున్న గాని

                              తగిన ఒక్క ఉద్యోగము దొరక లేక తిరుగాడుతు

                             బతుకు బండి మోయలేక చతికిల బడుతున్న వార్ని

                             వెతికి లేపి వారి కొక్క ఆసర ఇద్దాము రండ్రి  llతెలంగాణll

                                                                   …నక్క భాస్కర రావు(అబుధాబి)

                                                                       తేది: 2. 6. 2015