‘జెంటిల్‌మెన్’ సినిమాతో తెలుగు ప్రేక్షకులందరి అభిమానాన్ని పొందిన బ్యూటీ నివేదా థామస్. తనదైన క్యూట్ అప్పీల్‌తో ‘నిన్ను కోరి’, లేటెస్ట్‌గా ‘వకీల్ సాబ్’, ‘శాకిని డాకిని’ తదితర చిత్రాల్లో నటించిందీ మలయాళీ ముద్దుగుమ్మ.

తాజాగా నివేదా థామస్ లీడ్ రోల్‌లో ఓ డిఫరెంట్ మూవీ తెరకెక్కబోతోంది. ఈ సినిమాకి టైటిల్ ‘చిన్న కథ కాదు’. టైటిలే విచిత్రంగా వుంది. లేటెస్ట్‌గా టైటిల్ అనౌన్స్ చేస్తూ రిలీజ్ చేసిన పోస్టర్ ఇంకా చిత్రంగా అనిపిస్తోంది.

ఈ పోస్టర్‌ని బట్టి తిరుమల తిరుపతి బ్యాక్ డ్రాప్‌లో ఏదో ఇంట్రెస్టింగ్ స్టోరీ చెప్పబోతున్నారని అర్ధమవుతోంది. అలాగే ఈ సినిమాని సురేష్ ప్రొడక్షన్స్ బ్యానర్‌లో దగ్గుబాటి రానా సమర్పిస్తున్నారు. నంద కిషోర్ అనే కొత్త రక్తం దర్శకుడిగా పరిచయమవుతున్నాడు.

కమెడియన్ కమ్ హీరో అయిన ప్రియదర్శి మేల్ లీడ్ పోషిస్తున్నాడు. ఈ సినిమాని ఆగస్టు 15న ధియేటర్లలో రిలీజ్ చేయనున్నారు. అంతే కాదు తెలుగుతో పాటూ తమిళ, మలయాళ భాషల్లోనూ ఈ సినిమా రిలీజ్ అవుతుండడం విశేషం.