అక్కినేని అందగాడు అఖిల్ హీరోగా వచ్చిన సినిమా ‘ఏజెంట్’. భారీ బడ్జెట్‌తో అతి భారీ ప్రమోషన్లతో రూపొందిన ఈ సినిమా రిలీజ్ తర్వాత బిగ్గెస్ట్ డిజాస్టర్‌గా మిగిలింది. ఎంత దారుణం అంటే, ఇంతవరకూ ఈ సినిమా ఓటీటీ రిలీజ్‌కి కూడా నోచుకోకపోవడం గమనార్హం.

ఏ పేరూ పొద్దూ లేని చిన్న సినిమాలు సైతం రిలీజ్ తర్వాత 15 రోజుల నుంచి నెల రోజుల లోపటే ఓటీటీలో రిలీజవుతున్న రోజులివి. కంటెంట్ బాగుంటే, ధియేటర్లలో ఫెయిలైనా ఓటీటీ జనంతో ప్రశంసలు గుప్పించుకుంటున్నాయ్ కొన్ని సినిమాలు.

అలాంటిది అంత పెద్ద స్టార్ కిడ్ అయ్యుండి కూడా అఖిల్ తన సినిమాని ఇంతవరకూ ఓటీటీలో రిలీజ్ చేసుకోలేకపోయాడు. ఇదిగో అదిగో అంటూ సోనీ లివ్ హక్కులు దక్కించుకుందంటూ వార్తలు వినిపించాయ్. కానీ, అది జరగలేదు.

అయితే, తాజాగా అందుతోన్న సమాచారం ప్రకారం ఈ సినిమాని టీవీలో రిలీజ్ చేస్తున్నారన్న టాక్ బయటికొచ్చింది. అది కూడా రెగ్యులర్ టీవీ ఛానెల్ కాదండోయ్. గోల్డ్ మైన్ ఛానెల్ అనే టీవీలో రాబోతోందట. అయితే, ఎప్పుడు.? ఏంటి.? అనేది ఇంకా క్లారిటీ లేదు.