యూఏఈ: టెలిమార్కెటర్లపై అధికారులు కొరడా ఝులిపించారు. అనేక టెలిమార్కెటింగ్ నంబర్లను రద్దుచేశారు. చట్టాన్ని ఉల్లంఘించినందుకు అనేక మంది వ్యక్తులకు జరిమానా విధించారు. 2,000 కంటే ఎక్కువ ఉల్లంఘనలను గుర్తించి,  జరిమానా విధించినట్టు టెలికమ్యూనికేషన్స్, డిజిటల్ గవర్నమెంట్ రెగ్యులేటరీ అథారిటీ (TDRA) తెలిపింది.  చట్టం ప్రకారం.. ఒక వ్యక్తి అతని/ఆమె పేరుతో లైసెన్స్ పొందిన ఫోన్ నంబర్ ద్వారా ఉత్పత్తులు, సేవల కోసం మార్కెటింగ్ ఫోన్ కాల్ చేస్తే, 5,000 దిర్హామ్ జరిమానా విధించబడుతుంది.   వ్యక్తి రెండవసారి ఉల్లంఘిస్తే అతని/ఆమె పేరుతో ఉన్న అన్ని నంబర్లను 3 నెలల పాటు కట్ చేయడంతో పాటు Dh20,000 ఆర్థిక జరిమానా విధించబడుతుంది. 30 రోజులలోపు మూడవసారి అదే ఉల్లంఘనకు పాల్పడితే టెలికమ్యూనికేషన్ కంపెనీల నుండి ఎటువంటి సేవను పొందకుండా అతను/ఆమె 12 నెలల పాటు నిషేధం విధించడంతోపాటు పెనాల్టీ కింద Dh50,000 వరకు జరిమానా విధించబడుతుంది.