అనుకోకుండా ‘పుష్ప’ అంచనాలకు మించి సంచలనాలు అందుకోవడం వల్ల రెండో పార్ట్ ‘పుష్ప ది రైజింగ్’ విషయంలో టీమ్ చాలా జాగ్రత్తలు తీసుకుంది.

అంచనాలను అందుకునేలా.. భారీ స్కేల్‌తో రూపొందిస్తున్నారు ఈ సినిమాని. డిశంబర్‌లో ఈ సినిమా ప్రేక్షకుల ముందుకు రానున్న సంగతి తెలిసిందే.

ఈ నేపథ్యంలో ప్రమోషన్లు జోరందుకుంటున్నాయ్. అందులో భాగంగానే రోజుకో క్రేజీ న్యూస్ ఈ సినిమా నుంచి బయటికొచ్చేలా ప్లాన్ చేసుకుంటున్నారు.

అందులో భాగంగానే తాజాగా బిగ్గెస్ట్ రిలీజ్ ఇండియన్ సినిమాగా ఏకంగా 11, 500 స్క్రీన్లలో ఈ సినిమా రిలీజ్‌కి సన్నాహాలు చేస్తున్నారట.. అనే ప్రచారం తెర పైకి వచ్చింది.

అలాగే ప్రమోషన్లలో మరిన్ని ఇన్నోవేటివ్ థాట్స్ చేస్తున్నారనీ తెలుస్తోంది. రిలీజ్‌కి ముందే బజ్ ఓ రేంజ్‌లో వచ్చేలా చూస్తున్నారట. తద్వారా రికార్డు స్థాయిలో ఓపెనింగ్స్ ఎక్స్‌పెక్ట్ చేస్తున్నారు.

ఇదంతా సరే, ప్రీ రిలీజ్ బజ్ ఎలా వున్నా.. సినిమాలో విషయం వుంటేనే కదా.. సినిమా హిట్ అయ్యేది. అసలే అల్లు అర్జున్‌కి అన్ని వైపులా నెగిటివిటీ వైఫైలా ఆవహించి వుంది. ఈ పరిస్థితిని తట్టుకుని ‘పుష్ప 2’ ఎలా గట్టెక్కుతుందో.. రికార్డులెలా కొల్లగొడుతుందో చూడాలిక.