రియాద్: అసిర్ ప్రాంతంలో ఉన్న చారిత్రాత్మక పట్టణం తబాబ్‌లోని అబో నోగ్తా కోటలను 2024 ఉత్తమ పర్యాటక గ్రామాల జాబితాలో చేర్చినట్లు ఐక్యరాజ్యసమితి ప్రపంచ పర్యాటక సంస్థ (UNWTO) ప్రకటించింది. సౌదీ అరేబియా పర్యాటక శాఖ మంత్రి అహ్మద్ అల్-ఖతీబ్ సమక్షంలో కొలంబియాలోని కార్టజీనాలో జరిగిన కార్యక్రమంలో ఈ మేరకు ప్రకటించారు.  ప్రతిష్టాత్మక అంతర్జాతీయ జాబితాలో అబో నోగ్తా కోటలను చేర్చడం పట్ల అల్-ఖతీబ్ తన సంతోషాన్ని వ్యక్తం చేశారు. ఈ గుర్తింపు సౌదీ అరేబియాలోని విభిన్న చారిత్రక, సాంస్కృతిక ప్రాముఖ్యతను హైలైట్ చేస్తుందని చెప్పారు. ఈ సందర్భంగా అబో నోగ్తా కోటల ఛైర్మన్ సయీద్ బిన్ సౌద్ అబో నోగ్తా అల్-ముతాహిమి స్మారక బహుమతిని అందుకున్నారు. అసిర్‌లోని చారిత్రాత్మక పట్టణం తబాబ్‌లో ఉన్న అబో నోగ్తా కోటలు ఈ ప్రాంతంలోని అత్యంత ప్రముఖ చారిత్రక ప్రదేశాలలో ఒకటిగా నిలిచాయి. ఈ కోటల నిర్మాణానికి తెల్లటి పాలరాతి రాయితోపాటు స్థానిక రాతి రాళ్లను ఉపయోగించి నిర్మించారు.