మనామా: కార్మిక మార్కెట్‌ను సంస్కరించే ఒక ముఖ్యమైన చర్యలో భాగంగా బహ్రెయిన్ పార్లమెంటు విజిట్ వీసాలను వర్క్ పర్మిట్‌లుగా మార్చడాన్ని నిషేధించే ముసాయిదా చట్టాన్ని ఆమోదించింది. 1965 ఏలియన్స్(వలస, నివాసం) చట్టాన్ని లక్ష్యంగా చేసుకుని, ఈ పద్ధతిని స్పష్టంగా నిషేధించే కొత్త ఆర్టికల్‌ను ప్రవేశపెట్టారు. దీంతోపాటు చట్టంలో ఏవైనా వ్యతరేక నిబంధనలను రద్దు చేసే నిబంధనలు ఉన్నాయి. దాని అమలు కోసం మార్గదర్శకాలను నిర్దేశిస్తారు.మొదట మే 2023లో ప్రవేశపెట్టిన ఈ ముసాయిదా చట్టం బహ్రెయిన్ జాతీయులకు ఉపాధి అవకాశాలకు ప్రాధాన్యత ఇవ్వడం లక్ష్యంగా పెట్టుకుంది. ఇది ప్రభుత్వ దీర్ఘకాలిక కార్మిక మార్కెట్ వ్యూహంతో రూపొందించారు. స్థానిక ఉపాధి అవకాశాలను బలోపేతం చేయడానికి, కొన్ని రంగాలలో విదేశీ కార్మికులపై ఆధారపడటాన్ని తగ్గించడానికి ఈ చట్టంలో కొన్ని నిబంధనలకు సవరణలు ప్రతిపాదించారు.లెజిస్టేటివ్ ప్రక్రియ ద్వారా ముసాయిదా చట్టం తుది ఆమోదం పొందగానే, వెంటనే అమల్లోకి వస్తుందని అధికార యంత్రాంగం వెల్లడించింది.