దంత సమస్యలు చాలా సాధారణం అయిపోయాయి. మారుతున్న ఆహారపు అలవాట్లు దంత సమస్యలకు ప్రధాన కారణం అని చెప్తారు డాక్టర్లు. ఏ రకమైన టూత్‌ పేస్ట్‌ని వాడినా, దాన్ని వినియోగించే తీరు సరిగ్గా ఉంటేనే దంత సమస్యల నుంచి దూరంగా ఉండవచ్చు. రోజూ ఉదయం, సాయంత్రం బ్రష్‌ చేసుకోవడం ఉత్తమం. ఎలాంటి సమస్యలు కనిపించినా వెంటనే డాక్టర్‌ని కలవడం మంచిది. దంత సమస్యల విషయంలో అజాగ్రత్త మంచిది కాదు. దంతాల మూలల నుంచి రక్తం కారుతోంటే, అది అనేక ఇతర సమస్యలకు దారితీసే ప్రమాదం ఉంది. పిప్పి పళ్ళను ట్రీట్‌ చేసేందుకు ఆధునిక వైద్య చికిత్సా విధానాలు అందుబాటులో ఉన్నాయి. పంటి నొప్పితో బాధపడేవారు వంటింట్లో నిత్యం ఉండే లవంగాను బుగ్గన ఉంచుకోవడం ద్వారా కొంత ఉపశమనం పొందవచ్చు. నోటి దుర్వాసనను కూడా దూరం చేస్తుందది. హడావిడిగా కాకుండా తగిన సమయం బ్రష్‌ చేసుకోవడానికి కేటాయించాలి. అలా చేస్తేనే సరిగ్గా బ్రష్‌ చేసినట్లవుతుంది. ఏదయినా తిన్న వెంటనే పండ్లలోకి ఆహార పదార్థాలు ఇరుక్కుపోయే అవకాశం ఉన్నందున, వీలైనంతవరకు తిన్న తర్వాత నీళ్ళతో నోటిని పుక్కళించుకోవాలి.