యూఏఈ: 15 ఏళ్ల ఫాతిమా అహ్మద్ హసన్‌కు సార్కోమా క్యాన్సర్ ఉన్నట్లు నిర్ధారణ అయినప్పుడు..ఆమె కుటుంబం ఉక్కిరిబిక్కిరి అయ్యారు. కానీ, షేక్ మొహమ్మద్ బిన్ రషీద్ అల్ మక్తూమ్ చికిత్సకు అయ్యే మొత్తాన్ని అందించేందుకు ముందుకు రావాడంతో ఆ కుటుంబం కొంత ఊరట చెందింది. "అది ప్రతిదీ మార్చింది. అతని దయ నాకు నా ఆశను, నా ఆరోగ్యాన్ని, నా కలలను తిరిగి ఇచ్చింది." అని ఈ సందర్భంగా ఫాతిమా భావోద్వేగంతో అన్నారు.

ఇటీవల యూఏఈ అంతటా 25 ఆసుపత్రుల నుండి 100 మంది క్యాన్సర్ తో పోరాడి జయించిన  వారిని సత్కరించడానికి దుబాయ్ మ్యూజియం ఆఫ్ ది ఫ్యూచర్‌లో ఎమిరేట్స్ ఆంకాలజీ సొసైటీ నిర్వహించిన కార్యక్రమంలో ఫాతిమా స్టోరీ సమాజానికి తెలిసింది. ఈ వేడుక జాతీయ క్యాన్సర్ సర్వైవర్స్ నెలలో భాగంగా జరిగింది. ముందస్తు గుర్తింపు, నిపుణుల సంరక్షణ, కుటుంబ మద్దతు ద్వారా క్యాన్సర్ ను జయించినట్లు వారు వివరించారు.

నెలల తరబడి ఇంటెన్సివ్ చికిత్స పొందిన తర్వాత ఫాతిమా ఇప్పుడు క్యాన్సర్ నుండి విముక్తి పొందింది. ఆమె అనుభవం ఆమెను నర్సుగా కెరీర్‌ను కొనసాగించడానికి ప్రేరేపించింది. "నర్సులు నాకు సహాయం చేసిన విధంగా నేను ఇతరులకు సహాయం చేయాలనుకుంటున్నాను" అని ఆమె చెప్పింది.  

ఫుట్‌బాల్ క్రీడాకారుడు కావాలనే లక్ష్యంతో ఉన్న 11 ఏళ్ల యోధుడు

11 ఏళ్ల లుకేమియా నుండి బయటపడిన హమ్దాన్ సయీద్ అల్ ఫలాసికి, ఇదంతా ఎముక నొప్పితో ప్రారంభమైంది. "ఇది క్రీడలు ఆడటం వల్ల జరిగిందని మేము అనుకున్నాము." అని అతని తల్లి చెప్పింది.  వరుస పరీక్షలలో లుకేమియాను నిర్ధారించారు. "ముందస్తు రోగ నిర్ధారణ, అద్భుతమైన వైద్యుల చికిత్స, నా కొడుకు ఇప్పుడు ఆరోగ్యంగా తిరిగొచ్చేందుకు సహాయం చేసింది." అని ఆమె చెప్పింది.  

హమ్దాన్ ఇప్పుడు తాను ఎక్కువగా ఇష్టపడే పనిని చేయడం, ఫుట్‌బాల్ ఆడటం ప్రారంభించాడు. "నేను మళ్ళీ ఆరోగ్యంగా ఉండి తిరిగి ఆటలోకి దిగడం చాలా సంతోషంగా ఉంది. నా వైద్యులు నాకు సహాయం చేసినట్లుగా ఇతరులకు సహాయం చేయడానికి భవిష్యత్తులో నేను డాక్టర్ కావాలనుకుంటున్నాను" అని అతను చెప్పాడు.

అరుదైన క్యాన్సర్లతో పోరాడుతోంది

23 ఏళ్ల ముస్తఫా ఒసామాకు రెండు సంవత్సరాల క్రితం అరుదైన ఎముక క్యాన్సర్ అయిన ఆస్టియోసార్కోమా ఉన్నట్లు నిర్ధారణ అయింది. "ఇది భావోద్వేగపరంగా చాలా బాధాకరం," అని అన్నారు. "కానీ నేను యూఏఈ ఆరోగ్య సంరక్షణ వ్యవస్థలోకి ప్రవేశించిన క్షణం నుండి, నేను సురక్షితమైన చేతుల్లో ఉన్నానని అనిపించింది." అని పేర్కొన్నారు. "నా క్యాన్సర్ చాలా అరుదుగా ఉన్నప్పటికీ, నన్ను కరుణ, నైపుణ్యంతో చూసుకున్న నిపుణులను నేను ధన్యవాదాలు చెబుతున్నాను. ఈ స్థాయి వృత్తి నైపుణ్యాన్ని నేను మరెక్కడా చూడలేదు." అని తెలిపారు.  

భవిష్యత్తు కోసం దార్శనికత

ఎమిరేట్స్ ఆంకాలజీ సొసైటీ అధ్యక్షుడు ప్రొఫెసర్ హుమైద్ అల్ షంసి మాట్లాడుతూ.. ఈ కార్యక్రమం క్యాన్సర్ సంరక్షణ పట్ల యూఏఈ నిరంతర నిబద్ధతకు ప్రతిబింబం అని అన్నారు. “ఇది కేవలం ప్రాణాలతో బయటపడిన వారిని గౌరవించడం గురించి కాదు, ఇది పరిశోధన, ఆవిష్కరణ, ముందస్తు గుర్తింపు పట్ల మా అంకితభావాన్ని పునరుద్ఘాటించడం గురించి, తద్వారా మరిన్ని కుటుంబాలు - ‘మీరు క్యాన్సర్ రహితంగా ఉన్నారు’ అనే పదాలను వినగలరు.” అని ప్రొఫెసర్ అల్ షంసి అన్నారు.