మనామా: బహ్రెయిన్ పోస్ట్ ఆధ్వర్యంలో కొత్త ఎలక్ట్రానిక్ లాకర్ సర్వీసును రవాణా మరియు టెలికమ్యూనికేషన్ మంత్రిత్వ శాఖ ప్రవేశపెట్టింది. ఇది పోస్టల్ సేవలను ఆధునీకరించడంతోపాటు వినియోగదారులకు మెరుగైన సేవలను అందిస్తుందని మంత్రిత్వ శాఖలోని భూ రవాణా మరియు పోస్టల్ సేవల అండర్ సెక్రటరీ ఫాతిమా అబ్దుల్లా అల్-దాఆన్ తెలిపారు.  వ్యక్తులు మరియు వ్యాపారాల అవసరాలను తీర్చడానికి పార్శిల్ సేకరణ కోసం లాకర్లు ఆచరణాత్మకమైన ఎంపికలను అందిస్తాయని చెప్పారు.

ఎలక్ట్రానిక్ లాకర్లు కస్టమర్‌లు నిర్దిష్ట సమయాలకు లేదా పోస్టాఫీసులను సందర్శించకుండా సురక్షితంగా మరియు వారి సౌలభ్యం మేరకు పార్శిల్‌లను స్వీకరించడానికి అనుమతిస్తాయని అల్-దాఆన్ వివరించారు. కస్టమర్‌లు ప్రత్యేకమైన కోడ్ మరియు లాకర్ స్థానాన్ని అందుకుంటారని, అదే కోడ్‌ని ఉపయోగించి పార్శిల్‌ను సేకరించవచ్చన్నారు.  లాకర్లను వ్యూహాత్మకంగా ప్రధాన వాణిజ్య కేంద్రాలలో అందుబాటులో ఉంటాయని తెలిపారు. ప్రస్తుతం సీఫ్ మాల్, మారస్సీ గల్లెరియా, ది అవెన్యూస్, సౌక్ అల్-బర్రాహా, డ్రాగన్ సిటీ మరియు సార్ మాల్ లో అందుబాటులో ఉంటాయన్నారు. త్వరలో మరిన్ని ప్రదేశాలకు విస్తరించే ప్రణాళికలు ఉన్నాయని తెలిపారు.