యూఏఈ:ఇవాళ, రేపు వాతావరణంలో మార్పులు చోటు చేసుకోనున్నట్లు జాతీయ వాతావరణ కేంద్రం తెలిపింది. తీర ప్రాంతాలతో పాటు పలు ప్రాంతాల్లో అర్ధరాత్రి నుంచి ఉదయం 9గంటల వరకు మంచు దట్టంగా ఏర్పడే అవకాశాలు ఉన్నాయని ప్రకటించింది. ముఖ్యంగా పశ్చిమ ప్రాంతాల్లో మంచు తీవ్రత ఎక్కువగా ఉండే అవకాశాలు ఉన్నాయని...మంచు దుప్పటి కారణంగా దృశ్య దూరం తగ్గుతుందని వెల్లడించింది. ఉదయం వెళలో మంచు కారణంగా ఎదురుగా వచ్చే వాహనాలు దూరంగా ఉన్నప్పుడు కనిపించకపోవచ్చని, వాహనదారులు అప్రమత్తంగా ఉండాలని అధికారులు హెచ్చరించారు. ఆదివారం తెల్లవారుజామున కూడా ఇదే తరహా వాతావరణం కొనసాగుతుందని చెబుతున్నారు. అయితే పగలు ఎండ తీవ్రత ఎప్పటిలాగే కొనసాగుతుందని..గరిష్టంగా 45 డిగ్రీల వరకు ఉష్ణోగ్రతలు నమోదవ్వొచ్చని జాతీయ వాతావరణ కేంద్రం అధికారులు అన్నారు.